2013ko Europako Txapleketaren adibidea
Grafiko osoa
Grafiko honetan potentziometroaren (SRM) datuak azaltzen zaizkigu. Berdez dagoen marrak potentzia adierazi nahi
digu, urdinak, kadentzia eta gorriak, berriz, pultsazioak. Grafiko hauek era
orokorrean grabatu duena adierazten digu eta bertan garbi ikus dezakegu
lasterketaren une batzuetan potentzia gehiago egitea behartua egon dela
txirrindularia eta beste une batzuetan lasaiago aritzeko aukera izan duela.
Aurretik aipatu
bezala, txirrindularitzan vatioak dira errendimendu adierazlerik nagusiena eta
hauen arabera zehazten da lan guztia nahiz eta beste datuak, hala nola,
kadentzia, pultsazioak edota abiadura (nahiz eta kasu honetan ez izan) ere oso
erabilgarriak diren lasterketaren nondik norakoak aztertzeko.
Grafiko hau 2013ko
urrian ospatu zen elite mailako Europako Txapelketakoa da. 24 txirrindulari
baino gehiago zirenez txirrindulariek kanporaketa moduko 60 itzuliko puntuazio
bat egin zuten sailkapen orokorreko lehenengo hamabiak 3 ordu beranduago
ospatuko zen finalera sailkatuz. Txirrindulariak lasterketan erabili zuen
garapena 52x15 izan zen. Bertan ikus daiteke nola grafikoren barnean hainbat
zutabe markaturik daudela, hau da, lehenengo ihesaldikoa, 6 sprinak eta
bigarren ihesaldia. Aipatu beharra dago hau ezin dela momentuan bertan markatu
eta ordenagailura datuak pasatzean markatzen direla.
Bestalde grafiko honetan oso argi ikusten da zein
izan zen lasterketa honetan txirrindulari honen mugimenduen joera, hau da, hasi
eta berehala ihesaldia batean bera bakarrik sartzen da potentzia oso altua
sortzen duelako eta potentzia eskakizun altu horrek kadentzia altu bat
mantentzea eskatzen dio, hortaz, pultsazioak segituan igotzen zaizkio. Ondoren,
tropelean sartzen da eta pixka bat errekuperatzeko aprobetxatzen du. Gero
sprinetan pelotoiaren abiadura nola handitzen den oso garbi ikusten da bete
potentzia, kadentzia eta pultsazioak goraka baitoaz. Azkenik, lasterketaren
bukaera aldean berriz ere ihes egiten duela garbi ikusten da eta berriz ere
tropelean sartzeko aukera duela ikusten da.
Grafika segundoz segundo
Grafiko hau
aurrekoaren berbera da, baina aldez aurretik bizikletan daramagun pantailan
datuak zenbateko denboraz gorde nahi ditugun aukeratuko dugu. 0.5 segundo,
segundo 1, bi segundo, 3 segundo, 4 segundo edota 5 segundoko tarteen bataz
bestekoak gordetzeko aukera ematen digu.
Pistan normalean 0.5
edo segundo bateko tarteak erabili ohi dira lasterketak ez direlako oso luzeak
eta zenbat eta denbora tartea motzagoa izan, orduan eta zehatzagoa izango baita
neurtutako lana. Gure kasuan 0.5 segundoro dago gordeta. Grafikoaren azpian
grafikoaren datuak banan – banan azaltzen dira azterketak zehaztasun handiagoz
egiteko. Agertzen den lehenengo datua potentzia da, bigarrena pultsazioak,
hirugarrena kadentzia, laugarrena abiadura, bosgarrena altuera (kasu honetan
belodromo baten barruan gaudenez beti izango da 0m) eta tenperatura 6 datua.
Ihesaldia
Grafiko honetan ikus daitekeen bezala, tropeletik ihes egiteko potentzia
oso altu bat sortzea beharrezkoa da eta helburua tropeletik ihes egitea denez
potentzia ahalik eta altuena mantentzea beharrezkoa da tropelari distantzia
ateratzeko. Ihesaldi honen helburua itzuli bat irabaztea zen eta txirrindulari
honen estrategia erasoa sprinerako oraindik asko falta zela aprobetxatuz
pelotoiari distantzia handia ateratzea zen, ahal balitz itzulia irabazi ahal
izateko sprina baino lehen eta bestela 1 sprina irabazteko aukerak izateko.
Horregatik, ikus daiteke grafikoaren amaiera berriz ere markatua dagoela, izan
ere, ez zuen lortu itzulia irabaztea, baina bai sprinean sartzea. Bestalde, ikus daiteke nola hasieran
kadentzia altuago bat eramaten duen distantzia handitzeko, baina gero erritmo
hori ez du mantentzen bere indarrak
erregulatzen baitoa eta pixka bat lasaiago doa.
Lehenago aipatu
bezala, grafikoaren goialdean ezkerraldean ikus daiteke nola ihesaldiak 2:48
iraun zuen eta 518,9wko bataz bestekoa sortu zuen. 182ko bihotz maiztasuna eta
109,4ko kadentzia izan ziren bataz bestekoak.
Ihesaldia segundoz segundo
Hemen aurreko grafikoa
ikus daiteke berriz ere, baino 0.5 segundoro zenbateko datuak atera dituen
ikusiz. Adibide modura, tropeletik ihes egiteko 1015wko piko maximoa sortu
behar izan zuen eta abiadura hartzen joan zen heinean 126ko kadentzia maximoa
lortu zuen. Ihesaldia sprina amaitzean bukatu zen, izan ere, tropelak
sprinerako abiadura igo zuenean ihesaldia ezerezean utzi baitzuen.
1 sprina
1 sprina segundoz segundo
Datuak banan - banan aztertzerakoan
ikus daiteke lortutako balio maximoak honako hauek izan zirela: 596w 185eko bihotz maiztasuna eta 113ko
kadentzia.
2 sprina
Lehenengo sprinetik bigarren sprinerako tartean txirrindulariak ihesaldiko
gainesfortzua errekuperatzeko asmotan tropelaren atzealdean kokatu zen izan ere
gurpilean joatean sortutako potentzia askoz ere baxuagoa da, hortaz, gutxiago
nekatzen da eta esfortzutik errekuperatzeko aukera handiagoak izango ditu. Hori
dela eta, pultsazioak jaisteko aukera izan zuen eta bigarren sprin honetan
tropelean sprintatu gabe geratzea erabaki zuen. Honen ondorioz, sprinak 32
segundo iraun zuen eta bataz bestekoak
honako datu hauek eman zituen. 470w, 174,4ko bihotz maiztasuna eta 123ko
kadentzia.
Aipatu bezala,
txirrindulariak errekuperatzeko baliatu zuenez sprin arteko tartea garbi
ikusten da bihotz maiztasuna jaisteko gaitasuna izan duela eta hau forma egoki
baten ondorio da.
2 sprina segundoz segundo
Datuak banan - banan aztertzerakoan
ikus daiteke lortutako balio maximoak honako hauek izan zirela: 750w, 179ko bihotz maiztasuna eta 127ko kadentzia.
3 sprina
Aurreko sprineko taktika berberari jarraituz
errekuperatzeko asmo horretan hemen ere ez da sprina lehiatzera sartzen eta
datu hauek atera daitezke. Sprinak 22.5 segundo irauten du eta hauek dira bataz
bestekoak: 560w, 171.2ko bihotz maiztasuna eta 129,8ko kadentzia.
3 sprina segundoz segundo
Datuak banan - banan aztertzerakoan
ikus daiteke lortutako balio maximoak honako hauek izan zirela: 727w, 179ko bihotz maiztasuna eta 134ko kadentzia.
4 sprina
4 sprin honetan ere estrategia berbera mantentzen du eta tropelaren
atzealdean dago kokatua txirrindularia sprina lehiatu gabe eta datu hauek
lortzen ditu. Sprinak 24.5 segundo irauten ditu eta honako bataz besteko hauek
lortzen ditu: 445w, 172,4ko bihotz maiztasuna eta 120,2ko kadentzia.
4 sprina segundoz segundo
Datuak banan - banan aztertzerakoan
ikus daiteke lortutako balio maximoak honako hauek izan zirela: 733w, 178ko bihotz maiztasuna eta 127ko kadentzia.
2 ihesaldia
Lasterketak aurrera egin duela ikusita eta jendearen nekea pixkanaka agerian dagoela aprobetxatuz hasierako ihesaldiaren esfortzuak ondo errekuperatu duela ikusita berriz ere aurrera egitera erabakitzen du. Gainera, lehenengo sprinean puntu bakar bat lortu zuenez eta beste 3etan sartu ez zenez lasterketaren une honetan txirrindularia ez zegoen finalerako sailkatua aurkitzen; beraz, finalean sartzeko puntuatzea beharrezkoa zuen eta ihesari ekitea erabakitzen du. Ihesaldiak kasualitatez lehenengo ihesaldiaren denbora berbera irauten du, hau da, 2:48 eta honako hauek dira bataz bestekoak: 488w, 184,6ko bihotz maiztasuna eta 104,5eko kadentzia.
Hemen ere ikus
genezake nola grafikoaren amaiera markaturik dagoen eta hau 5 sprina da.
5 sprina
Txirrindularia ihesaldian dagoenez, sprintatzeko erritmoa aldatzen badu ere, ez du sprin handi bat egiten bakarrik aurkitzen baita. Hala ere, sprinak 23.5 segundo irauten du eta bataz besteko hauek lortzen ditu: 457w, 181,5eko bihotz maiztasuna eta 100eko kadentzia.
5 sprina segundoz segundo
Datuak banan - banan aztertzerakoan ikus daiteke lortutako balio maximoak honako hauek izan direla: 759w, 183ko bihotz maiztasuna eta 109ko kadentzia.6 sprina
Amaitzeko 5 eta 6 sprinaren tarteko unean gure txirrindulariak tropelari
itzuli bat irabazteko aukera izan zuen eta ondorioz, matematikoki finalerako
sailkatua aurkitzen zen. Hori dela eta azken sprinean tropelaren atzealdean
geratzea erabakitzen du lehiatzera sartu gabe. Hortaz, hemen ere datuak ez dira
oso altuak. Azken sprin honek 22 segundo irauten du eta honako bataz besteko
hauek lortzen ditu: 428w, 166ko bihotz maiztasuna eta 112.5eko kadentzia.
6 sprina segundoz segundo
Datuak banan - banan aztertzerakoan ikus daiteke lortutako balio maximoak honako hauek izan zirela: 671w, 171ko bihotz maiztasuna eta 121eko kadentzia.
Amaierako analisia
Amaitzeko
esan beharra dago txirrindulari hau oso forma onean iristen dela txapelketara,
izan ere, bere estrategia ihesaldia lortzea zen eta lehenengo ihesaldian bere
unbralaren gainetik badabil ere hori errekuperatzeko gai da eta sprinetan
tropelaren abiadura igotzen bada ere tropelean erraztasun handiz mugitzeko gai
da. Bigarren ihesaldiari ekiten dionean
bere pultsazio maximoak lortzen ditu, hortaz, ordura arte egindakoa jasangarria
da berarentzat. Horrek bere estrategia aurrera eramateko aukera ematen dio eta
helburu orokorra, finalean sartzea, alegia, lortzen du.
No hay comentarios:
Publicar un comentario